ಈ ವಾರ ಚಿತ್ರಮಂದಿರಗಳಲ್ಲಿ ಯಲಾ ಕುನ್ನಿ ಸಿನಿಮಾ ಬಿಡುಗಡೆಯಾಗುತ್ತಿದೆ. ಅಕ್ಟೋಬರ್‌ 25 ರಂದು ಈ ಸಿನಿಮಾ ವೀಕ್ಷಕರಿಗೆ ಲಭ್ಯವಾಗಲಿದೆ ವೀಕ್ಷಣೆಗೆ. ಈ ಯಲಾ ಕುನ್ನಿ ಹಿರಿಯ ನಟ ವಜ್ರಮುನಿಯವರ ಬ್ರ್ಯಾಂಡ್‌ ಡೈಲಾಗ್.
ವಜ್ರಮುನಿ ನೋಟದಲ್ಲಿ ನಟ ಕೋಮಲ್ ಕುಮಾರ್ ಅಭಿನಯಿಸಿದ್ದಾರೆ. ಕೋಮಲ್ ಕನ್ನಡದ ಪ್ರತಿಭಾವಂತ ನಟರಲ್ಲಿ ಒಬ್ಬರು. ಹಾಸ್ಯಕ್ಕೆ ಬೇಕಾದ ಮ್ಯಾನರಿಸಂ ಇದೆ. ಆದರೆ ಕೆಲವೊಮ್ಮೆ ದ್ವಂದ್ವಾರ್ಥಕ್ಕೆ ಸಿಲುಕಿ ಅಪಹಾಸ್ಯಕ್ಕೀಡಾಗುವುದೂ ಇದೆ.
ಮಾಮಿ ಚಿತ್ರೋತ್ಸವ: ಘಟಶ್ರಾದ್ಧ,ಮಾಯಾ ಮೃಗ ಸೇರಿ ನಾಲ್ಕು ಸಿನಿಮಾಗಳ ಅಪರೂಪದ ಪ್ರದರ್ಶನ
2019 ರ ಬಳಿಕ ಸಿನಿಮಾ ಮಾಡಿದ್ದು ಕಡಿಮೆ. 2019 ರಲ್ಲಿ ಕೆಂಪೇಗೌಡ 2 ನಲ್ಲಿ ಅಭಿನಯಿಸಿದರು. ಬಳಿಕ 2023 ರಲ್ಲಿ ಉಂಡೆನಾಮ ಹಾಗೂ ನಮೋ ಭೂತಾತ್ಮ 2 ನಲ್ಲಿ ನಟಿಸಿದರು.
ಈ ಸಾಲಿನಲ್ಲಿ ಮೊದಲ ಸಿನಿಮಾ ಯಲಾ ಕುನ್ನಿ. ಸೌಂದರ್ಯ ಸಿನಿ ಕಂಬೈನ್ಸ್, ನರಸಿಂಹ ಸಿನಿಮಾಸ್ ನಡಿ ಆನುಸೂಯ ಕೋಮಲ್ ಕುಮಾರ್, ಸಹನ ಮೂರ್ತಿ ನಿರ್ಮಿಸಿರುವ ಚಿತ್ರ. ಕೋಮಲ್ ಕುಮಾರ್ ಜತೆ ಮತ್ತೊಬ್ಬ ಕೋಮಲ್ ಕುಮಾರ್ ಅಭಿನಯಿಸಿದ್ದಾರೆ. ಅಂದರೆ ದ್ವಿ ಪಾತ್ರ.
N R ಪ್ರದೀಪ್ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶಿಸಿದ್ದಾರೆ. ಇದು ಇವರ ಮೊದಲ ಚಿತ್ರ. ಹಿರಿಯ ನಟರಾದ ದತ್ತಣ್ಣ , ಸಾಧು ಕೋಕಿಲ , ಸುಚೇಂದ್ರ ಪ್ರಸಾದ್ , ತಬಲಾ ನಾಣಿ, ರಾಜು ತಾಳಿ ಕೋಟೆ, ಸುಮನ್ ನಗರ ಕರ್, ಮಾನಸಿ ಸುಧೀರ್(ಕಾಂತಾರ) , ಯತಿರಾಜ್ ಜಗ್ಗೇಶ್, ಜಯಸಿಂಹ ಮುಸುರಿ ಮತ್ತಿತರರು ಅಭಿನಯಿಸಿದ್ದಾರೆ. ಈ ಚಿತ್ರದ ನಾಯಕಿಯರಾಗಿರುವರು ನಿಸರ್ಗ ಅಪ್ಪಣ್ಣ ಮತ್ತು ಗಿಚ್ಚಿಗಿಲಿಯ ಅಮೃತಾ.
ವಿಶೇಷವಾಗಿ ವಜ್ರಮುನಿ ಯವರ ಮೊಮ್ಮಗ ಆಕರ್ಷ್‌ ಈ ಚಿತ್ರದ ಮೂಲಕ ಚಿತ್ರರಂಗ ಪ್ರವೇಶಿಸುತ್ತಿದ್ದಾರೆ. ಮಯೂರ್ ಪಟೇಲ್ ರದ್ದು ಖಳ ನಾಯಕ ಪಾತ್ರ. ಧರ್ಮ ವಿಶ್ ಸಂಗೀತ ನಿರ್ದೇಶನ, ಹಾಲೇಶ್ ಭದ್ರಾವತಿ ಅವರ ಛಾಯಾಗ್ರಹಣವಿದೆ.
Sun Children: ಮಕ್ಕಳ ಕನಸಿನ ಬಣ್ಣ ಬಣ್ಣಿಸಲಿಕ್ಕೆ ಈ ಇರಾನ್‌ ಸಿನಿಮಾ
ಮೇರಾ ನಾಮ್‌ ವಜ್ರಮುನಿ ಟ್ಯಾಗ್‌ ಲೈನ್‌ ಚಿತ್ರವಿರುವ ಯಲಾ ಕುನ್ನಿ ಯಾವ ರೀತಿಯಲ್ಲಿ ಪ್ರೇಕ್ಷಕರಿಗೆ ಮನರಂಜಿಸುತ್ತದೋ ಕಾದು ನೋಡಬೇಕು. ಬರೀ ನೋಟಕ್ಕೆ ವಜ್ರಮುನಿ ಸಾಕೋ, ಮಾಟಕ್ಕೆ ಬೇಡವೋ ಎನ್ನುವುದು ಅ. 25 ರಂದು ತಿಳಿಯಲಿದೆ.
